Die Libertaskoor olv Johan de Villiers kom voer Mozart se Requiem uit in Toringkerk op 27 Mei 2012. Hier oefen hulle die Ave Verum Corpus, wat deel van die voorprogram uitmaak.
In die Bybel is daar ’n hele paar hartverskeurende verhale van gesinne wat uitmekaar geskeur word deur sonde. Adam en Eva se gesin, Jakob se gesin, Dawid se gesin ...
So daar is genoeg verhale in die Bybel wat vir ons vertel dat gesinne nie noodwendig gelukkig is nie. En daar is ook genoeg verhale wat vertel dat gelowige ouers ook nie noodwendig weet hoe om hulle kinders goed groot te maak nie.
Die heel laaste werk wat die geniale Wolfgang Amadeus Mozart gekomponeer het, was sy Requiem; 'n aangrypende mis vir die dode. Vanjaar, op Sondag 27 Mei om 16:00, kom voer die Stellenbosch Libertaskoor & Camerata Tinta Barocca onder leiding van Johan de Villiers hierdie werk in Toringkerk uit!
Toringkerk met sy gewyde atmosfeer en uitstekende akoestiek maak dit die ideale ruimte om die Requiem te beleef.
Die konsertmeester is Jürgen Schwietering, en die soliste is Zanne Stapelberg (sopraan), Minette du Toit-Pierce (alt), Thomas Erlank (tenoor) en André Howard (bas). Zorada Temmingh bespeel die orrel.
Méér as net reëls - Ons kleingroep- en preekprogram vir die tweede kwartaal oor die Tien Gebooie.
Die Tien Gebooie is nie net 'n klomp moets en moenies nie; dit is riglyne waarmee God ons wil help om voluit te leef. Daarom is dit tema van die program Méér as net reëls.
Die volledige program lyk só:
15 April: 1ste Gebod (Daar is net een God) – Die ryk jongman (Luk 18:18-30)
22 April: 3de Gebod (Jy dra God se Naam) – Die brandende bos (Eks 3:1-15)
29 April (nie groepe): 2de Gebod (Laat God toe om God te wees)
6 Mei: 8ste Gebod (Jy het die reg op besittings) – Jakob en Esau en pot lensiesop (Gen 25:19-34)
Ek het hierdie skitterende artikel raakgelees op die web oor hoeveel meer 'n gereelde saam-eet vir die gesin werd is as wat 'n mens dink. Lees dit gerus!
Eer jou vader en jou moeder, dan sal jy lank bly woon in die land wat die Here jou God vir jou gee.
Ek het ’n vermoede dat hierdie gebod nie een van die gewildes is vir iemand soos jy wat op die punt staan om die lewe in te gaan nie. Jy wil graag jou eie baas wees, jou eie ding doen. En nou vra hierdie gebod van jou om hulle in gesagsposisies te eer. Want “jou vader en jou moeder” in hierdie gebod staan nie nét vir jou ouers nie – hoewel natúúrlik vir hulle ook, en dan vir hulle in die eerste plek. Maar die grenslyne wat hierdie gebod trek, lê veel wyer. Dit sluit almal in gesagsposisies in; ook die verkeerskonstabel, en jou onderwysers, en jou werkgewer as jy so gelukkig is om ’n werk te kry.
You are here
Die heel laaste werk wat die geniale Wolfgang Amadeus Mozart gekomponeer het, was sy Requiem; 'n aangrypende mis vir die dode. Vanjaar, op Sondag 27 Mei om 16:00, kom voer die Stellenbosch Libertaskoor & Camerata Tinta Barocca onder leiding van Johan de Villiers hierdie werk in Toringkerk uit!
program Méér as net reëls.
